حربي بكلامه
من الشعر إلى «اطمأن قلبي» · حوار مع H A R B I
سيف هشام، أو «حربي»، مهندس برمجيات بيشتغل في الـ Backend، درس علوم الحاسب في المنصورة، وبعيدًا عن الكود بيكتب ويلحّن وينتج أغانيه بنفسه.
حوار بأسئلة فريق H A R B I وإجابات الفنان نفسه، نوفمبر ٢٠٢٦. · Artist Q&A, answers by H A R B I, November 2026.
البداية
إمتى بدأت مع المزيكا؟
بدأت سنة ٢٠١٦ بكتابة الشعر أيام الدراسة، وأكتر حد شجعني كانت والدتي. كتبت أول رباعية، وبعدها أول قصيدة لمسرحية في المدرسة، ومن هنا بدأت آخد الثقة وأكتب وأقرأ كتير: أحمد خالد توفيق، وقصائد نزار قباني، وكنت بسمع شعر هشام الجخ وعمرو قطامش. بدأت بالشعر العامي، ومنه دخلت المزيكا. كنت بسمع مزيكا غربي وأقول: ليه ما أعملش مزيكا بتاعتي؟ أول برنامج اشتغلت عليه كان Acid Pro لأنه كان على قد الإمكانيات، وبعدها جبت لابتوب ونزّلت FL Studio وعملت أول beat. في ٢٠٢٦ رجعت من الأول، مسحت كل القديم وبدأت أسجل زي «الدنيا» و«العيشة» و«زحمة»، ولما اتخطبت كتبت «أتيت وما أدري» وبعدها «كأنك موطني».
ليه اسم «حربي»؟ وليه H A R B I بمسافات؟
القصة طريفة وجت بالصدفة. واحد صاحبي كان بيحب يسمعني، واقترح أسمّي نفسي «حربي» عشان لما أنتج أغنية أكتب فوقها «إنتاج حربي»، زي فريق الإنتاج الحربي بتاع الكورة. والمسافات في الاسم بالإنجليزي حسيت إن شكلها حلو في الكتابة وبتدي إحساس مختلف.
إنت من المنصورة. إيه اللي اختلف عليك كفنان مستقل؟
أصل عيلتي من القاهرة، بس أنا اتولدت في المنصورة وعشت بين المنصورة والقاهرة، وشفت الناس والثقافات في المكانين. الموضوع كان صعب بين اختلاف العادات، بس اتعرفت على ناس كتير حلوة، زي المطرب أحمد نصري (Nasri) من القاهرة، ودخلت معاه تيم للرابرز اسمه 2K، ومن هنا كمّلت.
الفصحى و«اطمأن قلبي»
ليه الفصحى، مع إنك بدأت براب بالمصري؟
حسيت إن اللغة العربية الفصحى بتختفي، ومفيش غير أشخاص معدودة بيغنوا بيها، زي رشاد كُمبال، وده مثل أعلى ليا في الإلقاء والمستوى الفني والإحساس. فحبيت أكمل في الطريق ده، من غير ما أقلّد حد؛ كل فنان ليه أسلوبه في الكتابة والغنا.
«اطمأن قلبي» اتكتبت إزاي؟
كتبتها لموقف شخصي بيني وبين خطيبتي. كانت الدنيا بتخرب وكنا خلاص هنسيب بعض، وفجأة قعدنا واتكلمنا واتصافينا وعدّينا ده مع بعض. هي ملهمتي وسر رجوعي للكتابة والمزيكا.
أقرب سطر لقلبك في الأغنية؟
«وما كنت أعرف قبل اللقاء
بأن العيون تجيد النداء»
لأني لما شفت عينيها، أنا اللي اتشدّيت وناديت عليها.
الشغل
بتعمل الأغنية إزاي؟
بكتب من اللي قلبي حاسه. الكلام بييجي في دماغي كبارات، فأسجلها في نوتة الموبايل وأسرح فيها شوية لحد ما باقي القصيدة ييجي. وفي نفس اللحظة أفتح FL Studio، أعمل melody وأجرّب عليها القصيدة، أظبّط البارات، وأسجّل وأعمل الميكس والماستر. وبعدها ألف حوالين نفسي في الـ artwork، وده بصراحة بياخد مني وقت أكتر من الأغنية نفسها.
الأغنية بتاخد قد إيه؟
على حسب المود وروقان البال. ساعات أفضل أسابيع أكتب فيها، بس في الأغلب بتبقى شمعة نوّرت في دماغي، وفي ساعة أو اتنين تكون اتسجلت وخلصت.
التأثيرات والجاي
مين أثّر فيك؟
رشاد كُمبال طبعًا، أسلوبه قوي جدًا وملهم. وبو كلثوم، اللي بسمعه من حوالي ٢٠١٨ وبحبه جدًا. نفسي في يوم أشتغل مع حد فيهم.
نفسك توصل لإيه؟ وإيه الجاي؟
أنا مش بعمل مزيكا عشان أوصل لحاجة. بعملها عشان بحب الكتابة والمزيكا، ومش فارق معايا الشهرة ولا الفلوس. بعمل للفن. والجاي بعد «اطمأن قلبي» أكيد حاجة أحلى، وأظن هتبقى أغنية فرحي.
لو حد هيسمعك لأول مرة، يبدأ بإيه؟
«أتيت وما أدري»، لأنها أجمل أغنية كتبتها لحد دلوقتي، ولأنها لأجمل شخص في الدنيا. مش قادر أنسى المشهد وأنا بسمّعها لخطيبتي لأول مرة وهي بتعيط من جمالها.
In English
Sief Hesham, known as H A R B I, is a backend software engineer who studied computer science in Mansoura. Away from code, he writes, composes and produces his own songs.
How did it start?
I started writing poetry in 2016, at school; my mother encouraged me the most. My first quatrain, then a poem for a school play, gave me confidence. I read Ahmed Khaled Tawfik and Nizar Qabbani and listened to the poetry of Hisham El-Gakh and Amr Qatamesh. Colloquial poetry led me to music: I started on Acid Pro, then FL Studio, where I made my first beat. In 2026 I deleted everything old and started again with "Eldonya", "El3esha" and "Zahma"; after my engagement I wrote "Ateetu Wa Ma Adri" and then "Ka’annaki Mawtini".
Why "Harbi", and why the spaces in H A R B I?
A friend suggested it, so every track could say "produced by Harbi" ("إنتاج حربي"), like the football club. The spaced-out letters just looked good and different on paper.
Mansoura and Cairo?
My family is from Cairo, but I was born in Mansoura and grew up between both cities. It wasn't easy moving between different cultures, but I met great people, like the Cairo singer Ahmed Nasri (Nasri), and joined a rap crew called 2K.
Why classical Arabic?
I feel classical Arabic is disappearing; only a few artists sing in it, like Rashad Kombal, who is my role model for delivery and feeling. I wanted to continue that path without imitating anyone.
The story of "Itma’anna Qalbi"?
It comes from a personal moment with my fiancée: we were about to break up, then we sat down, talked and made it through together. She is my inspiration and the reason I came back to writing and music. My favourite line: «وما كنت أعرف قبل اللقاء بأن العيون تجيد النداء» – "I never knew, before we met, that eyes could call out", because when I saw her eyes, I was the one who was drawn in.
How do you make a song?
Lines come to me as bars; I note them on my phone until the rest of the poem arrives, then open FL Studio, build a melody, fit the lyrics, record, mix and master. The artwork often takes me longer than the song.
Influences and what's next?
Rashad Kombal and Bu Kalthoum. I don't make music for fame or money; I make it because I love writing and music. Next after "Itma’anna Qalbi" will probably be my wedding song. For first-time listeners: start with "Ateetu Wa Ma Adri", the most beautiful song I've written so far.